ბორჯომში მომხდარ ავარიას ორი ადამიანი ემსხვერპლა. ერთმანეთს ტოიოტას მარკის ავტომობილი და ტრაილერი შეეჯახა. შემთხვევის შედეგად სამი კი დაშავდა.
თვითმხილველები “სამხრეთის კარიბჭეს” უყვებიან, რომ მსუბუქ ავტომობილში ხუთი პირი იმყოფებოდა. ავარიის შემდეგ, თავდაპირველად სამი დაშავებული ბორჯომის კლინიკაში გადაიყვანეს.
გარდაცვლილები არიან ედი მარკოსიანი და ზურა გელაშვილი.
“დიდი ტრაგედია ტრიალებს ახალციხეში. უკეთილშობილესი და უკარგესი წესიერი ბიჭები გამოგვაკლდნენ. ძმაკაცები იყვნენ” – უყვებიან ამბები.ge ს ადგილობრივები.
მომხდარზე შსს–მ გამოძიება სსკ–ს 276–ე მუხლის მერვე ნაწილით დაიწყო, რაც ტრანსპორტის მოძრაობის უსაფრთხოების წესის დარღვევას გულისხმობს, რამაც ორი ან მეტი ადამიანის სიცოცხლის მოსპობა გამოიწვია.
