ცნობილია 19 წლის ბიჭის ვინაობა, რომელიც ავარიით დაიღუპა
ლელიანში, ავარიის დროს გარდაცვლილი ახალგაზრდა შაკო ზურაბიშვილია.
როგორც ირკვევა, ახალგაზრდები მოტოციკლეტით გადაადგილდებოდნენ, რა დროსაც ღობეს შეეჯახნენ.
ახლობლების ცნობით, შაკო ზურაბიშვილთან ერთად მყოფი ახალგაზრდა კლინიკაში, მსუბუქი დაზიანებებით არის მოთავსებული. მის სიცოცხლეს საფრთხე არ ემუქრება.
შემთხვევის ადგილზე მობილიზებული იყვნენ სამართალდამცველები და სასწრაფო დახმარების ბრიგადა.
მომხდარზე დაწყებულია გამოძიება.