“მე ვთქვი დიახ! თანახმა ვარ ამ, და ყველა მომდევნო ცხოვრებაში,“ – ამის შესახებ “ინსტაგრამზე“ ესპანელმა მოდელმა, ჯორჯინა როდრიგესმა დაწერა და თავის რამდენიმე მილიონ გამომწერს ამაღელვებელი ფოტო გაუზიარა.
როგორც ჩანს, პორტუგალიელმა ფეხბურთელმა, ლეგენდარულმა კრიშტიანუ რონალდუმ თავის საყვარელ ქალს ხელი ოფიციალურად სთხოვა და მალე მათი საქორწინო სამზადისიც მალე დაიწყება.
ჯორჯინამ გამოაქვეყნა ფოტო, სადაც მას გიგანტური ბრილიანტის ბეჭედი ამშვენებს და რჩეულს სიყვარულს საჯაროდ უხსნის:
“თანახმა ვარ ამ და ყველა მომდევნო ცხოვრებაში,“ – წერს ჯორჯინა. მას გულშემატკივრები ულოცავენ და წყვილს ბედნიერებას უსურვებენ.
სასიხარულო სიახლის შესახებ წერს ცნობილი იტალიელი ჟურნალისტი ფაბრიციო რომანო.
“ქრისტიანო რონალდომ მის სიყვარულს, ჯორჯინას ხელი სთხოვა“, – წერს ფაბრიციო რომანო და იმ მილიონობით ადამინს უერთდება, ვინც ცნობილ წყვილს სიახლეს ულოცავს.
კრიშტიანუ და ესპანელი მოდელი 2016 წლიდან არიან ურთიერთობაში. წყვილს სამი საერთო შვილი ჰყავს და ასევე ზრდიან კრიშტიანუს კიდევ სამ ბავშვს, რომლებიც ფეხბურთელს სუროგატი დედისგან ჰყავს.
- მედია აქამდე ხშირად წერდა რონალდუსა და ჯორჯინას ნიშნობის შესახებ, თუმცა მათ ეს ინფორმაცია არასდროს დაუდასტურებიათ. უფრო მეტიც, ამაზე საუბარს კრიშტიანო ყოველთვის თავს არიდებდა და არასოდეს ასახელებდა კონკრეტულ თარიღს, თუ როდის სთხოვდა რჩეულს ხელს.
Netflix-ის სერიალში I Am Georgina, როდრიგესი ამ თემაზე საუბრობდა და აცხადებდა, რომ მეგობრები ხშირად ეკითხებოდნენ, თუ როდის დაქორწინდებოდა.
“რონალდუ ყოველთვის ამბობს, რომ დავქორწინდებით, როცა ამის დრო დადგება”, – ამბობდა მოდელი.
ამავე ფილმში რონალდუ აცხადებდა, რომ “ეს მოხდებოდა, როცა დრო დადგებოდა.
“მაგრამ მე 1000%-ით ვარ დარწმუნებული, რომ ეს მოხდება”, – აღნიშნავდა ფეხბურთელი.
