უმძიმესი ავარია: დაღუპულია 40 წლამდე ქალი – ხულოში ავტომობილი გზის სავალი ნაწილიდან გადავიდა და გადაყირავდა
ხულოს მუნიციპალიტეტის მთა ზორტიყელთან ავტოსაზგაო შემთხვევის შედეგად 40 წლამდე ქალი დაიღუპა, ხოლო ერთი ადამიანი მძიმედ დაშავდა.
ადგილობრივების ინფორმაციით, მამაკაცი კლინიკაში არის გადაყვანილი. მათი თქმით, სატვირთო ავტომობილით ცოლ-ქმარი გადაადგილდებოდნენ. ავტოსაგზაო შემთხვევისას ავტომობილი გზის სავალი ნაწილიდან გადავიდა და გადაყირავდა.
როგორც შინაგან საქმეთა სამინისტროში „ინტერპრესნიუსს“ განუცხადეს, ფაქტზე გამოძიება სისხლის სამართლის კოდექსის 276-ე მუხლის მეექვსე ნაწილით მიმდინარეობს.
ფოტო: აჭარის ტელევიზია