ბათუმში, “აჭარა ბეთ არენას” სტადიონზე, “დინამო ბათუმსა” და “დინამო თბილისს” შორის “კრისტალ ბეთ” ეროვნული ლიგის, მე-19 ტურის საფეხბურთო მატჩის დროს, დინამო ბათუმის ფეხბურთელი, ტუნისელი ლეგიონერი გაით ოუაჰაბი დაშავდა.
მატჩის მსვლელობის დროს ის და დინამო “ბათუმის” მეკარე ერთმანეთს შეეჯახნენ, რის შედეგადაც მძიმე დაზიანება მიიღო.
დაშავებული ფეხბურთელი სასწრაფო-სამედიცინო დახმარების ბრიგადამ კლინიკაში გადაიყვანა.
ფეხბურთელმა სავარაუდოდ, დაზიანება თავის არეში მიიღო.
ინციდენტის გამო, საფეხბურთო თამაში რამდენიმე წუთით შეჩერებული იყო.
ავტორი: მარიკო კეკელიძე
წყარო: პალიტრავიდეო
