შინაგან საქმეთა სამინისტროს აჭარის პოლიციის დეპარტამენტის თანამშრომლებმა, ცხელ კვალზე ჩატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, ბათუმში მომხდარ მკვლელობის ფაქტთან დაკავშირებით თურქეთის რესპუბლიკის ორი მოქალაქე: 2003 წელს დაბადებული ა.ე. და 1998 წელს დაბადებული მ.ჯ. დააკავეს.
- რაც შეეხება მოკლულს, ის თურქი ბიზნესმენი ჰაკი თექინია. თურქული მედიის ინფორმაციით, თექინი ბათუმში ცხოვრობდა და კომპანია “Tekinler Gayrimenkul”-ის მფლობელი იყო.
“ის კარგად იყო ცნობილი აჭარაში მცხოვრები თურქეთის მოქალაქეებსა და ბიზნეს საზოგადოებაში. თექინი აქტიურად მოღვაწეობდა მშენებლობისა და უძრავი ქონების სექტორებში. მისი კომპანია, რომელიც საქართველოში მოქმედებდა Tekinler Gayrimenkul-ის სახელით, ცნობილი იყო აჭარაში საცხოვრებელი და კომერციული უძრავი ქონების პროექტებით, როგორც ადგილობრივი, ასევე უცხოელი ინვესტორებისთვის” – წერს მედია.
რა ინფორმაციას ავრცელებს შინაგან საქმეთა სამინისტრო მომხდარ თავდასხმაზე
“ა.ე. – ეს ბრალად ედება განზრახ მკვლელობა და ცეცხლსასროლი იარაღის უკანონო-შეძენა-შენახვა ტარება. ხოლო მ.ჯ. განსაკუთრებით მძიმე დანაშაულის შეუტყობინებლობისთვისა და საზღვრის უკანონო კვეთის ბრალდებითაა დაკავებული.
დანაშაულები 15 წლამდე ვადით თავისუფლების აღკვეთას ითვალისწინებს.გამოძიებით დგინდება, რომ ა.ე. – მ ბათუმში, მდებარე ერთ-ერთ რესტორანში მყოფ თურქეთის რესპუბლიკის მოქალაქეს 1976 წელს დაბადებულ ჰ.თ. -ს თურქეთში, დანაშაულებრივ მხარეებს შორის დაწყებული შესაძლო დაპირისპირების ნიადაგზე, ცეცხლსასროლი იარაღიდან გასროლით სასიკვდილო ჭრილობები მიაყენა და შემთხვევის ადგილიდან მიიმალა.
გამოძიებით, ასევე, დადგინდა, რომ დანაშაულს შეესწრო ა.ე. -ს თანხმლები მ.ჯ., თუმცა მან მომხდარის შესახებ სამართალდამცველებს არ შეატყობინა ცხელ კვალზე ჩატარებული სამძებრო და საგამოძიებო მოქმედებების შედეგად პოლიციამ ორივე მათგანი ბრალდებულის სახით დააკავა .განზრახ მკვლელობის, ცეცხლსასროლი იარაღისა და საბრძოლო მასალის უკანონო შეძენა-შენახვა ტარების, განსაკუთრებით მძიმე დანაშაულის შეუტყობინებლობისა და საქართველოს სახელმწიფო საზღვრის უკანონოდ კვეთის ფაქტებზე გამოძიება სისხლის სამართლის კოდექსის 108-ე, 236-ე, 376 -ე და 344-ე მუხლებით მიმდინარეობს”,- ნათქვამია ინფორმაციაში.
“კვირის პალიტრა” ესაუბრა უფლებადამცველ თამაზ ბაკურიძეს, რომელმაც დაადასტურა, რომ მოკლულია თურქი ეროვნების მამაკაცი. მისი თქმით, დანაშაულში ბრალდებულიც თურქია.
“გიდასტურებთ, რომ თურქი ეროვნების მამაკაცებს შორის მოხდა კონფლიქტი. ზუსტად ამ რესტორანში მოხდა მსგავსი მკვლელობა ადრეც, მაშინ კილერის ადრესატი იყო დერქან ბაშარი, მაგრამ ის გადარჩა და უდანაშაულო ადამიანი დაიღუპა. ახლა ეს რესტორანი განაახლეს, ისევ თურქს ეკუთვნის, მაგრამ განაგებს დერქან ბაშარი. მართალია არ აწერია თურქული რესტორანი, მაგრამ რეალურად თურქი კრიმინალების თავშესაფარი შეიძლება ვუწოდოთ ამ ადგილს.ძირითადად თურქეთიდან გამოქცეული კრიმინალების რესტორანია. მაშინ რომ ესროლეს დერქან ბაშარს, ის გადარჩა, გვერდზე გაიწია და მისთვის განკუთვნილი ტყვია მოხვდა სულ სხვა ადამიანს, რომელიც საერთოდ არაფერში იყო დამნაშავე. დღეს იგივე სურათი დამიდგა თვალწინ. მე ეს თვეების წინ ვიწინასწარმეტყველე, როცა ბათუმის ცენტრში დერქან ბაშარის მიერ აშენებული კიდევ ერთი დაწესებულების მუშაობის ფაქტს ვაპროტესტებდით. ჩვენი მოსახლეობა შეწუხებული იყო ხმაურით…
მას დიდი გეგმები ჰქონდა, თურქეთიდან უნდა ჩამოეყვანა ესტრადის ვარსკვლავები და გაემართათ კონცერტები. მე მაშინ შევიტყვე, რომ ეს შენობა უკანონოდ ჰქონდა აშენებული. ბევრი ვიბრძოლეთ და დაინგრა ეს შენობა. მე ვითხოვდი, რომ გაეძევებინათ ქვეყნიდან, რადგან არის კრიმინალი, მაგრამ ეს პირი არის ძალიან დიდი ფულის მფლობელი, აქვს ქოლ-ცენტრები და კაზინოები და ალბათ, ვიღაცისთვის კარგი ლუკმაა. თორემ კაცი, რომელიც იძებნება თავის ქვეყანაში წითელი ცირკულარით, რატომ უნდა იყოს საქართველოში?!…ნახეთ სრულად
