მომღერალი ბარბარა სამხარაძე ფართო საზოგადოებამ 2016 წელს პოპულარული შოუ „ნიჭიერიდან“ გაიცნო. მან ხალხის სიყვარული განსხვავებული ხმის ტემბრითა და სტილით მალევე მოიპოვა და შოუში გამარჯვებაც მოახერხა.
ამ ამბის შემდეგ ბარბარა ტელეეკრანებზე არც ისე ხშირად ჩნდებოდა, თუმცა მის ცხოვრებაში არაერთი მნიშვნელოვანი რამ მოხდა.
– ძალიან კარგად ვარ, მაქვს მუსიკალური სტუდია, სადაც ბავშვებს ვამეცადინებ და შეიძლება ითქვას, რომ პატარ-პატარა ნაბიჯებით ჩემი ცხოვრების ოქროს ხანისკენ მივიწევ. მუდმივად უკეთესის მოლოდინში ვარ. ვცდილობ, რომ იმ საქმეში, რასაც ვაკეთებ, უფრო მეტი და კარგი შევქმნა. ვაშენებ ჩემს მომავალს და წინ მივიწევ.”- აცხადებს ის.
ბოლო რამდენიმე წელია, რაც საზოგადოების დიდი ნაწილი “ევროვიზიის” კონკურსზე ბარბარას გაშვებას ითხოვს. ამასთან დაკავშირებით მომღერალი გამომწერების კითხვებს პასუხობს. ერთ-ერთი მათგანი დაინტერესდა, აპირებს თუ არა ბარბარა მომავალ წელს „ევროვიზიის“ კონკურსში მონაწილეობას.
