„მინდა, გაგიზიაროთ საიდუმლო! ცხოვრება ახალ ეტაპს მიმზადებს, და ყველა სირთულე რაც გამოვიარე ამ კარებში შესასვლელად მამზადებდა! ძალიან მალე ამერიკული ფილმის მსახიობად და მუსიკალურ დირექტორად მიხილავთ!“ – ასეთი სიახლე გაუზაირა რამდენიმე დღის წინ აშშ-ში მცხოვრებმა ქართველმა მომღერალმა, ალექსანდრე ზაზარაშვილმა საკუთარ გამომწერებს.
fortuna.ge-სთან ისე უფრო ვრცლად საუბრობს ამ საინტერესო ამბის შესახებ და დეტალებს გვიმხელს.
ალექსანდრე, გილოცავთ სიახლეს თქვენს შემოქმედებით ცხოვრებაში. მოგვიყევით უფრო ვრცლად, რა ფილმზეა საუბარი და ვინ მიგიწვიათ?
უღრმესი მადლობა დაინტერესებისთვის. რაც შეეხება ფილმს, ჩიკაგოდან ჩამოდის ჯგუფი, რომელიც მუშაობს მოკლე და სრულმეტრაჟიან ფილმებზე, მათ შორის მუნჯ კინოზეც. აქვთ „ნეტფლიქსსა“ და სხვა დიდ სტრიმინგ პლატფორმასთან კონტრაქტები. ჩემთან თანამშრომლობის ინტერესი გამოთქვეს. ჩემი ახალი ფოტოსესიიდან რილსი ავაწყვე და სწორედ ამ რილსის ნახვის შემდეგ დამიკავშირდნენ, ზუსტად ასეთი ტიპაჟი წარმოგვედგინა როლზეო და დამამტკიცეს.
აღნიშნავთ, რომ არა მხოლოდ მსახიობად, არამედ მუსიკალურ დირექტორადაც მოგვევლინებით. უფრო კონკრეტულად რომ გვიამბოთ, რას ნიშნავს ამ კონკრეტულ შემთხვევაში მუსიკალური დირექტორობა და რა უფლება-მოვალეობები გექნებათ?
მართალია, მსახიობად დამამტკიცეს, მაგრამ როდესაც სცენარი წავიკითხე, მივხვდი, რომ მას ძალიან მოუხდებოდა ჩემი რამდენიმე სიმღერა. პროდიუსერ გოგონას გავუგზავნე ჩემი სიმღერა, ძალიან მოეწონათ და გადაწყვიტეს, რომ ფილმის საუნდტრეკად აუცილებლად გამოოყენებენ.
