ნინო შავგულიძე ქართველი მსახიობია, რომელიც მაყურებელმა პირველად ტელეკომპანია „ტვ11“-ის ეთერში გაიცნო. შემდგომში მან მონაწილეობა მიიღო სერიალში „ცოლები და ქმრები“, რამაც მისი პოპულარობის ზრდას შეუწყო ხელი. 2021 წელს ნინო შავგულიძე „პირველი არხის“ სერიალში „იდეალური დედა“ თამაშობდა. პირადი ცხოვრების შესახებ საუბრისას, ნინო აღნიშნავს, რომ ამჟამად შეყვარებულია, თუმცა დეტალების გამჟღავნება არ სურს, რადგან წარსულში მსგავსი გამოცდილება არასასიამოვნო აღმოჩნდა მისთვის.
ნინო შავგულიძე დაიბადა ქალაქ თბილისში, 1987 წელს 17 ნოემბერს. დაამთავრა შოთა რუსთაველის სახელობის თეატრისა და კინოს სახელმწიფო უნივერსიტეტი. 2008 წლიდან დღემდე არის კონსტანტინე გამსახურდიას სახელობის სოხუმის სახელმწიფო დრამატული თეატრის მსახიობი.
ოჯახი და კარიერა
მსახიობობა ბავშვობიდან უნდოდა. ყურადღების ცენტრში ყოფნა, სცენაზე დგომა, ცეკვა, სიმღერა, პაროდიების გაკეთება უყვარდა და პოპულარობაც იზიდავდა. ახლობლებისთვის წარმოდგენებსაც ხშირად მართავდა.
სანამ გიორგი შავგულიძის არსებობას გაიგებდა, მანამდეც იზიდავდა ხელოვნება. თვლიდა, რომ ხელოვნების სფეროში სხვანაირი ადამიანები მოღვაწეობდნენ და მათთან ურთიერთობა ყოველთვის სურდა. თავიდან სარეჟისოროზე ჩაბარება ჰქონდა გადაწყვეტილი, თუმცა მეტყველების პედაგოგმა უთხრა, სამსახიობოზე უნდა ჩააბაროო. შესაძლებლობებში ამ მხრივ ეჭვი ეპარებოდა, მაგრამ მაინც გადაწყვიტა ბედის ცდა და მალევე მიხვდა, რომ ეს ის იყო, რაც ყოველთვის უნდოდა.
მამა ინჟინერია და დედა – დიასახლისი. პროფესიით ბიბლიოთეკარია.
“დედასა და მამას დღემდე ფანტასტიკური ურთიერთობა აქვთ, მიუხედავად იმისა, რომ წლებია, დაშორებულები არიან. მოსკოვიდან რომ ჩამოვედით, ერთ-ერთი მოსკოვში უნდა დარჩენილიყო. მამა დარჩა და მას მერე ამ ქალაქში მრავალი წელი იცხოვრა. შემდეგ დედა წავიდა საზღვარგარეთ და ასე დაიშალნენ” – იხსენებდა ნინო
პირველი როლი თეატრში, გოგა თავაძის სპექტაკლში – “მე, ბებია, ბაბუა და ჭინკები” ითამაშა. ეს სპექტაკლი ნოდარ დუმბაძის ნაწარმოებების მიხედვით დაიდგა. პრემიერის შემდეგ თეატრმცოდნეები, მსახიობები, რეჟისორები კულისებში შედიოდნენ და წარმატებას ულოცავდნენ.
ჩვიდმეტი წლის იყო, როდესაც რუსთაველის სარდაფში გოგი ქავთარაძემ დადგა ”თეთრი ბაირაღები”, სადაც ნუნუ ექიმის როლს თამაშობდა.
ნინო შავგულიძის პირადი
“პირველად საბავშვო ბაღში გიორგი მაისურაძე მიყვარდა. ყველამ იცოდა ჩემი სიყვარულის ამბავი. საბავშვო ბაღში ყველაზე ურჩი ვიყავი. არაფრით არ ვიძინებდი და მასწავლებლები მაყოლებდნენ, როგორ ვიყავი გიორგი მაისურაძეზე შეყვარებული. ყველა ჩემს ამბავზე ერთობოდა და მეც, ოღონდ არ დამეძინა და, მათ ვართობდი.
მახსოვს, ჩემთან ახლოს ცხოვრობდა. თვალებით სულ მას ვეძებდი. ჩემი ასეთი მდგომარეობა რამდენიმე წელს გაგრძელდა და მერე ყველაფერი შეიცვალა. მეორედ ბავშვური სიყვარული 13-14 წლის ასაკში მეწვია. ეს ბოდიალობა სიყვარული იყო და მერე თინეიჯერული სიყვარული მეწვია, ისეთი, როგორიც მხოლოდ ფილმებში მინახავს და რომელზეც ამბობენ, არასდროს განმეორდებაო. ის ბიჭი მართლა ძალიან მიყვარდა. რომ ვიხსენებ, რა მდგომარეობაში ვიყავი, ვხვდები, რომ შეიძლება, მსგავსი რამ აღარასდროს დაბრუნდეს და ძალიან მწყინს.
ეს ძალიან მაგარი სიყვარული ორ წელს გაგრძელდა და მერე ჩემში გრძნობა განელდა. ერთი წელი რომ გავიდა, მეგონა, ისევ ძალიან მიყვარდა. კვლავ ერთად დავიწყეთ სიარული, მაგრამ მალევე მივხვდით, რომ ის პერიოდი, რაც დაშორებულები ვიყავით, სხვადასხვა გზაზე დავდიოდით. მერე ხვდები, რომ ძველი გრძნობა აღარ გამეორდება. გრძნობა დამთავრდა, მაგრამ იმ ბიჭთან კარგი ურთიერთობა მაქვს. ბევრი არ მყვარებია, მაგრამ ვინც მიყვარდა, დღემდე ყველასთან კარგი ურთიერთობა შევინარჩუნე”, – იხსენებდა წლების წინ მსახიობი.
ახლა ნინო შავგულიძე მთლიანად პროფესიითა დაკავებული, საჯარო ინტერვიუებს თავს არიდებს და თითქმის არასდროს საუბრობს პირად ცხოვრებაზე.
