საქართველოს ნაკრებმა ერთა ლიგის B დივიზიონის პლეი ოფის პირველ მატჩში, სტუმრად სომხეთის ეროვნული გუნდი დაამარცხა. მატჩის შემდეგ პრესკონფერენციაზე ვილი სანიოლმა ისაუბრა.
„ვფიქრობ, ბურთის ფლობის მაღალი პროცენტული მაჩვენებელი გვქონდა, განსაკუთრებით პირველ ნახევარში. კონტრშეტევებზე კარგი თამაშით აქამდეც გამოვირჩეოდით, პირველ ნახევარში კი უფრო პოზიციურად ვცადეთ თამაში და ეს საინტერესო იყო. რა თქმა უნდა, მეორე ნახევარში, როდესაც ბევრი ცვლილება განვახორციელეთ, თამაშის ხასიათი შეიცვალა და ტემპიც აღარ იყო ისეთი მაღალი.
საპასუხო მატჩში გარკვეული ცვლილებები იქნება. გვიბრუნდება გუნდის კაპიტანი, გურამ კაშია და ხვიჩა კვარაცხელია. როგორც ყოველთვის, ვეცდები ისეთი შემადგენლობა შევარჩიო, რომელიც საუკეთესო თამაშს აჩვენებს. უნდა ვკონცენტრირდეთ მომდევნო მატჩზე და ვეცადოთ, რომ ჩვენი შესაძლებლობები მაქსიმალურად წარმოვაჩინოთ. შესაძლოა, სხვა ფეხბურთელების შესრულებით, თუმცა დარწმუნებული ვარ, მოთამაშეებს, რომლებიც მოედანზე გავლენ, ექნებათ სურვილი მაჩვენონ მე და მთელ ქვეყანას, რომ იმსახურებენ თამაშს.
გიორგი მიქაუტაძეს შესანიშნავი მატჩი ჰქონდა. სომხეთის ნაკრები კარგად შევისწავლეთ და ვიცოდით, რომ ისინი დიდ სივრცეებს დატოვებდნენ. მიქაუტაძეს, საკუთარი სისწრაფის ხარჯზე, ამ სივრცეების ათვისების შესაძლებლობა ექნებოდა და ეს შესაძლებლობა გამოიყენა.
დღეს, ოთხი მცცველით ვითამაშეთ და ცენტრალურ ზონაში ლოჩოშვილი-გოგლიჩიძე მოქმედებდნენ. კაშია თამაშს ტოვებდა და ვიფიქრეთ, რომ საუკეთესო დრო იყოს გარკვეული სიახლეებისთვის. კმაყოფილი ვარ გუნდის თამაშით დაცვაში. იმედი მაქვს, კვირას იგივე დონის თამაშს ვიხილავთ, თუნდაც სხვა ფეხბურთლების შესრულებით”. – განაცხადა ფრანგმა.
საქართველო – სომხეთის განმეორებითი მატჩი 23 მარტს დინამო არენაზე გაიმართება
სიომინი: “ვულოცავ ხვიჩას, შედევრი იყო, თუმცა მას პსჟ-ს ლიდერს ვერ ვუწოდებდი” 
