გამთენიისას, თბილისში მომხდარი მკვლელობის შესახებ გარკვეული დეტალები ხდება ცნობილი.
როგორც გარდაცვლილის მეგობრები აცხადებენ, 21 წლის ახალგაზრდას სასიკვდილო ჭრილობა გულის არეში ჰქონდა მიყენებული.
„როგორც მითხრეს, [გიორგი ახალაია] მარტო იყო, გულის არეში ჰქონდა დაზიანება მიღებულიო. დიდი რაოდენობით სისხლის სდიოდა, ვერ შეაჩერეს სისხლდენა. როგორ ვიცი, დაკავებული არავინაა. „რატის ბარში“ მუშაობდა დაცვაში“, – აღნიშნავს გარდაცვლილის მეგობარი.
როგორც „ინტერპრესნიუსს“ შინაგან საქმეთა სამინისტროში განუცხადეს, მომხდარზე გამოძიება სსკ-ის 108-ე, განზრახ მკვლელობის მუხლით დაიწყო და ყველა შესაბამისი მოქმედება ტარდება.
