აშშ-ში, კენტუკისა და ჯორჯიის შტატში შტორმსა და წყალდიდობას სულ მცირე ცხრა ადამიანი ემსხვერპლა.
Fox News-ის ინფორმაციით, კენტუკში 8 ადამიანი დაიღუპა, მათ შორის დედა და მისი შვიდი წლის შვილი. ჯორჯიაში, კერძოდ ატლანტაში კი – ერთი.
მსხვერპლთა რაოდენობა კენტუკის გუბერნატორმა ენდი ბეშიარმა დაადასტურა. მისი თქმით, სასწრაფო დახმარების თანამშრომლებმა 1000-ზე მეტი ადამიანის გადარჩენა შეძლეს.
“სამწუხაროა, რომ კიდევ მძიმე ამბის გაზიარება მიწევს. კენტუკი – ახლახან დავადასტურეთ სტიქიის გამო კიდევ ერთი ადამიანის გარდაცვალება პაიკის ოლქიდან. საერთო დანაკარგის რაოდენობა 9 ადამიანს აღწევს”, – წერს ბეშიარი X-ზე.
შტატის გუბერნატორმა განაცხადა, რომ აშშ-ის პრეზიდენტმა, დონალდ ტრამპმა დაამტკიცა მოთხოვნა კატასტროფების დახმარების დაფინანსების შესახებ.
უამინდობის გამო, კენტუკში 39 000-მდე ოჯახი ელექტროენერგიის გარეშე დარჩა
