ფოტოზე აღბეჭდილი ულამაზესი ქალი, ერთი შეხედვით, საკულტო ფილმის, “რომეო და ჯულიეტას” მთავარ გმირს, ოლივია ჰასის მოგვაგონებს, თუმცა ის 70-იანი წლების ერთ-ერთი ყველაზე პერსპექტიული და გამორჩეული სახე ლინ ფრედერიკია. ლინი იყო მოდელი, მსახიობი და კინოპროდიუსერი. ის ათწლიანი კარიერის განმავლობაში 30-ზე მეტ ფილმში გადაიღეს. ლინი ერთნაირი წარმატებით ართმევდა თავს როლებს სამეცნიერო ფანტასტიკის, საშინელებათა, რომანტიკული დრამის, კლასიკური ვესტერნისა თუ კომედიის ჟანრს. ლინ ფრედერიკი მიმზიდველობის, დახვეწილი გარეგნობის, ანგელოზის ღიმილისა და კლასიკური შარმის წყალობით, ყოველთვის ყურადღების ცენტრში იყო.
სამოდელო კარიერა
1970-იანი წლების დასაწყისში ფრედერიკი იყო ერთ-ერთი ყველაზე წარმატებული და პოპულარული ბრიტანელი თინეიჯერი, ისევე, როგორც ჰეილი მილსი და ოლივია ჰასეი. ის ხშირად ჩნდებოდა, როგორც მოდელი, გაზეთებსა და მოდის ჟურნალებში. თავდაპირველმა კონტრაქტმა მას საშუალება მისცა გამხდარიყო Protein 21 შამპუნის სახე, გამოჩენილიყო ტელევიზიაში და პროდუქტის ბეჭდურ რეკლამებში; ბრიტანულმა ეროვნულმა გაზეთმა მას “1971 წლის სახე” უწოდა.
სამსახიობო კარიერა
ლინის დებიუტი შედგა ფილმში “Blade of Grass”(1970). კრიტიკოსებმა ფილმს არაერთგვაროვანი შეფასება მისცეს, მაგრამ მისი კარიერა მაინც აღმავალი იყო. მომდევნო წელს მან შეასრულა ჰერცოგინია ტატიანა ნიკოლაევნას როლი ფილმში “ნიკოლოზი და ალექსანდრა (1971)”.
ფრედერიკის, როგორც მსახიობის და მოდელის პოპულარობა 70-იან წლებში გაიზარდა. მან ხელახლა შექმნა საკუთარი თავი, როგორც დახვეწილი, გლამურული გოგონა; გახდა კინოს სექს-სიმბოლო. მისმა კარიერამ დაღმასვლა დაიწყო 1980-იან წლებში და, რამდენიმე მოსმენის მიუხედავად, ვერ მიიღო სასურველი როლი. მისი ბოლო როლი იყო ფილმში „დოქტორ ფუ მანჩუს ბოროტი შეთქმულება“ (1980).
პირადი ცხოვრება
ლინ ფრედერიკი ცოლად გაჰყვა ინგლისელ კომიკოსსა და მსახიობ პიტერ სელერსს 1977 წელს. ის მხოლოდ 22 წლის იყო, ხოლო სელერსი იმ დროს 52 წლის გახლდათ. ისინი შეხვდნენ სადილზე, რომელსაც დენის სელინჯერმა უმასპინძლა 1976 წელს, მას შემდეგ, რაც ფრედერიკმა დაასრულა თავისი ფილმი Schizo. თანაცხოვრება კარგად დაიწყო, მაგრამ საბოლოოდ დამანგრეველი და ტურბულენტური გახდა. როდესაც სელერსის ჯანმრთელობა გაუარესდა, ფრედერიკი იძულებული გახდა მიეტოვებინა სამსახიობო კარიერა მასზე ზრუნვისთვის. როდესაც მათ შორის დაძაბულობა გაიზარდა, გაჩნდა ჭორები ნარკომანიის, ღალატის, ოჯახში ძალადობისა და სხვა სავარაუდო მიზეზების შესახებ. ამ დროის განმავლობაში ისინი რამდენჯერმე დაშორდნენ, მაგრამ საბოლოოდ მაინც რიგდებოდნენ. სელერსი გარდაიცვალა გულის შეტევით 1980 წლის 24 ივლისს. თითქმის მთელი მისი ქონება ფრედერიკს დარჩა, რომლის ღირებულება, დაახლოებით, 4,5 მილიონი ფუნტი იყო.
სელერსის გარდაცვალების შემდეგ მისმა შვილმა მაიკლ სელერსმა დაწერა აღიარება The New York Times-ისთვის მამასთან ურთიერთობის შესახებ და ამტკიცებდა, რომ მან იცოდა, რომ ფრედერიკი მანიპულატორი ქალი იყო.
1981 წელს ფრედერიკი დაქორწინდა ბრიტანელ ტელეწამყვან დევიდ ფროსტზე და ქორწინება მხოლოდ 17 თვეზ გაგრძელდა. რამდენიმე თვის შემდეგ, 1982 წლის დეკემბერში, ის დაქორწინდა კალიფორნიელ ქირურგსა და გულის სპეციალისტზე, დოქტორ ბარი უნგერზე. მათ შეეძინათ შვილი, კესი სესილია უნგერი. ფრედერიკი და ბარი უნგერი 1991 წელს განქორწინდნენ. კითხვის გაგრძელება
