დათო კენჭიაშვილის შემოქმედება არა მხოლოდ ქართველ მსმენელს ხიბლავს, არამედ დიდი ხანია, დატოვა საქართველოს საზღვრები და სხვადასხვა ქვეყნის მსმენელისთვის გახდა მისაღები და საყვარელი.
უკვე 20 წელზე მეტია, სცენაზე დგას და ჯამში, სხვადასხვა სოციალურ პლატფორმაზე, მუსიკოსის ნამუშევრებს 500 000 000-მდე ნახვა აქვს, ქართულენოვან კომპოზიციებს კი, სიამოვნებით აქავერებენ ამა თუ იმ ქვეყანაში.
პოპულარულ მუსიკოსს დიდი სიახლეები აქვს, რომელსაც პირველად fortuna.ge-ს გაუმხელს. სწორედ ჩვენ შევაღეთ პირველებმა მისი ახალი ხმის ჩამწერი სტუდიის კარი, სადაც საბავშვო სტუდიაც განთავსდება და უამრავი საინტერესო კოლაბორაციაც შედგება…
დათო, ჩვენი მედიასაშუალება არის პირველი, რომელსაც შენს ხმის ჩამწერ სტუდიაში მასპინძლობ…
ხმის ჩამწერი სტუდია ოფიციალურად იანვარში გაიხსნება, მცირე დეტალები დაგვრჩა მოსაგვარებელი, დღეს თქვენ გმასპინძლობთ. ძალიან ბევრი ვიშრომეთ. ამ სტუდიის სპეციფიკა არ არის მხოლოდ ხმის ჩაწერა, საკუთარი შესაძლებლობებიდან გამომდინარე, მას აქვს დიდი რესურსი, იყოს მრავალპროფილური. ძალიან ბევრი ჩემს კოლეგასთან მაქვს ნამუშევარი, მაგრამ არა ახალ სტუდიაში. ახლა ტესტების რეჟიმი გვაქვს. იმ სივრცეში, სადაც ახლა ინტერვიუს ვწერთ, შეგვიძლია ცოცხალი ინსტრუმენტების ჩაწერა, ორკესტრის, ბავშვთა ანსამბლების…
სხვათა შორის, ხმის ჩამწერი სტუდიის გახსნა ჩემი ბავშვობის ოცნება იყო… სახლში მქონდა მოყვარულის დონეზე გაკეთებული სტუდია, რომელსაც ჩემთვის ძალიან დიდი ემოციური დატვირთვა აქვს. თუ რამე გამიკეთებია სასარგებლო და საინტერესო ჩვენი მსმენელისთვის, ჩემი სახლის სტუდიაშია გაკეთებული, ნაკლები რესურსით, მაგრამ მაინც… იქ, მგონი, უფრო მეტი გავაკეთე, ვიდრე აქ მოვახერხებ. ბევრი ღირებული რამ შეიქმნა, ჩამომიყალიბდა არაერთ ადამიანთან კარგი მეგობრობა… მგონია, ჩემი ოცნება იქ ახდა, აქ კი განვითარდება, რადგან არც ერთ დარგში არ შეიძლება გაჩერება…
ახლა უკვე უამრავი შეკვეთა გვაქვს კომპოზიციებსა და ახალი სიმღერების ჩაწერაზე. ჩემი კოლეგები უკვე ემზადებიან მოსასვლელად და ჩასაწერად… კითხვის გაგრძელება
