ქალი, რომელიც სულ რაღაც 3 წლის ასაკში გაიტაცეს, გაუჩინარებიდან ოთხ ათწლეულზე მეტი ხნის შემდეგ, ცოცხალი და ჯანმრთელი იპოვეს.
მიშელ მარი ნიუტონის გაუჩინარების შესახებ პირველად 1983 წლის 2 აპრილს განაცხადეს. სავარაუდოდ, დედამ, დებრა ნიუტონმა, ქმარი მიატოვა და შვილთან ერთად ჯორჯიაში გაიქცა. ჯოზეფ ნიუტონმა მათი კვალის პოვნა სცადა. მან WLKY-ს განუცხადა, რომ ბოლოს ცოლს 1984-1985 წლებში ესაუბრა, სანამ ის საბოლოოდ გაუჩინარდებოდა.
მიუხედავად ამისა, დებრასა და მიშელის ძებნა 2000 წლამდე გაგრძელდა. შერიფის ოფისის ცნობით, ხუთი წლის შემდეგ მიშელი დაკარგული ბავშვების ეროვნული მონაცემთა ბაზიდან ამოიღეს. იმ დროისთვის ის დაახლოებით 25 წლის იქნებოდა.
საქმე 2016 წელს ოჯახის წევრის მოთხოვნით ხელახლა გაიხსნა. 2025 წელს კი პოლიციამ უცნობი პირისგან შეტყობინება მიიღო. ხელისუფლება 24 ნოემბერს ფლორიდის შტატის ქალაქ ვილიჯესში, დებრას სახლში მივიდა.
WFTV9-ის ცნობით, ის ცნობილ თავშესაფარში „შერონ ნილის“ სახელით ცხოვრობდა. დებრას დაკავების შემდეგ, პოლიციამ მიშელის ადგილსამყოფელიც იპოვა – ქალს წარმოდგენაც არ ჰქონდა რომ წლების განმავლობაში დაკარგულად ითვლებოდა
