“თელავში 3 წლის ბავშვს მანქანა დაეჯახა” – მცირეწლოვანი მანქანიდან გადმოვიდა და გზაზე გადარბენა სცადა – მომხდარის დეტალები

თელავში 3 წლის ბავშვს მანქანა დაეჯახა – ინფორმაციას ამის შესახებ ადგილობრივი გამოცემა “მთავარი ამბები კახეთიდან” ავრცელებს.

გამოცემა ექიმებზე დაყრდნობით წერს, დაშავებული ბავშვი კლინიკაშია გადაყვანილი – მას მოტეხილობები არ უფიქსირდება.

შემთხვევა აგრარული ბაზრის მიმდებარე ტერიტორიაზე მოხდა. ბავშვის დედა მაღაზიაში შევიდა, ხოლო 3 წლის ბიჭი მანქანაში მარტო იმყოფებოდა. მცირეწლოვანი მანქანიდან გადმოვიდა და გზაზე გადარბენა სცადა, რა დროსაც მანქანა დაეჯახა.