თორნიკე გოგრიჭიანი ახალგაზრდა ქართველი მსახიობი, რეჟისორი და სცენარისტია. ის 1986 წლის 31 ოქტომბერს დაიბადა. 2007 წელს დაამთავრა საქართველოს ტექნიკური უნივერსიტეტი, არქიტექტურის ფაკულტეტი. 2010 წელს დაამთავრა შოთა რუსთაველის სახელობის თეატრისა და კინოს სახელმწიფო უნივერსიტეტი, სამსახიობო ფაკულტეტი. 2007 წლიდან კი თბილისის მუსიკისა და დრამის სახელმწიფო თეატრის მსახიობია.
თორნიკემ საერთაშორისო აღიარება მოიპოვა ფილმებით, როგორიცაა “ჩემი ბედნიერი ოჯახი” და “შინდისი”. მისი ნამუშევრები არაერთხელ აღინიშნა საერთაშორისო კინოფესტივალებზე.
2022წელს თორნიკემ მონაწილეობა მიიღო “ნეტფლიქსის” პოპულარული ფილმის “Extraction”-ის მეორე ნაწილი გადაღებებში. ფილმში მთავარ როლს ჰოლივუდის ვარსკვლავი, კრის ჰემსუორთი ასრულებს. მისი პირველი ნაწილი 2020 წელს გამოვიდა და შთამბეჭდავი აღიარება მოიპოვა. მეორე ნაწილში თორნიკესთან ერთად კიდევ სხვა ქართველი მსახიობები თამაშობენ (თინა დალაქიშვილი, დათო ბახტაძე, ირაკლი კვიჟინაძე).
ფილმის პრემიერაზე თორნიკე გოგრიჭიანმა სოციალურ ქსელში გაავრცელა.
“ესეც Extraction 2-ის პრემიერა ნიუ იორკში. მოემზადეთ, ფილმი “ნეტფლიქსზე” 16 ივნისს გამოვა.
მადლობა AGBOfilm-ს და ჯო რუსოს, რომ შესაძლებლობა მისცეს ქართველებს, რომ ყოფილიყვნენ ამ დიდი ოჯახის ნაწილი.
მადლობას ვუხდი სემ ჰარგრეივს გენიოსს, რომ ეს გამოცდილება მოგვცეს. გარდა ამისა, მადლიერი ვარ Sarah finn casting-ის, რომ მომცა შანსი ასეთ დონეზე მეცადა და ჩემი საუკეთესო შესაძლებლობები ამ დონეზე გამომევლინა“, – წერდა თორნიკე გოგრიჭიანი “ინსტაგრამზე”.
