South China Morning Post-ის ცნობით, 66 წლის ჩინელი მამაკაცის ოჯახმა, რომელმაც საყვარელთან სექსის შემდეგ გულის შეტევა დაემართა, სასამართლოს მეშვეობით კომპენსაცია მოითხოვა.
ჩინეთის გუანსი-ჯუანის ავტონომიური რაიონის სასამართლომ დაადგინა, რომ ქალმა, სახელად ჟუანმა, გარდაცვლილ ჩჟოუს ცოლ-შვილს 62 000 იუანი (23 000 ლარი) უნდა გადაუხადოს, ანუ მოთხოვნილი 550 000 იუანის (დაახლოებით 200 000 ლარი) ათი პროცენტი.
კაცი 2024 წლის ივლისში გარდაიცვალა, როდესაც ნაქირავებ სასტუმოროს ნომერში ჟუანთან სექსის შემდეგ გულის შეტევა დაემართა. მისმა პარტნიორმა ქალბატონმა, შეშინებულმა, ჯერ არტერიული წნევის პრეპარატის საყიდლად წავიდა და მხოლოდ ერთი საათის შემდეგ სასტუმროს თანამშრომელთან ერთად ნომერში დაბრუნდა.
“ჟუანმა დაქორწინებულ მამაკაცთან ურთიერთობით საზოგადოებრივი წესრიგი და მორალური ნორმები დაარღვია . გარდა ამისა, მან ხელიდან გაუშვა ის დრო, როდესაც მისი გადარჩენა ჯერ კიდევ შესაძლებელი იყო“, – ნათქვამია სასამართლოს გადაწყვეტილებაში. ამავდროულად, მთავარი პასუხისმგებლობა თავად ჩჟოუს დაეკისრა, რომელმაც არა მხოლოდ ცოლს უღალატა, არამედ ჰიპერტენზია აწუხებდა და ინსულტიც გადატანილი ჰქონდა, თუმცა ეს პარტნიორს დაუმალა.
სასტუმრო ჯარიმისგან გათავისუფლდა, რადგან ტრაგიკული ინციდენტი ნომერში მოხდა და არა საჯარო ადგილას.
