საფრანგეთის ქალაქ ევრეში ავტომობილი ხალხში, სავარაუდოდ, განზრახ შევარდა, დაიღუპა ერთი ადამიანი. ამის შესახებ ინფორმაციას ფრანგული მედია ავრცელებს.
ინციდენტის შედეგად ხუთი ადამიანი დაშავდა.
ადგილობრივი პროკურატურის ცნობით, შემთხვევა ერთ-ერთ ადგილობრივ ბარში ჩხუბის შემდეგ მოხდა. აღნიშნულ საქმეზე სამი ადამიანია დაკავებული, ხოლო გამოძიება მკვლელობისა და მკვლელობის მცდელობის მუხლით დაიწყო.
