”დამეჯახა ვიღაც მთვრალი მძღოლი, აწყვეტილი სიჩქარით…გაიქცა”-კადრები, ჟურნალისტს ნასვამი მძღოლი დიდი სიჩქარით შეასკდა

ჟურნალისტი, ლაშა ბაბუხადია, სოციალურ ქსელში ვიდეოს აქვეყნებს და წერს, რომ ნასვამ მდგომარეობაში მყოფი მძღოლი დაეჯახა და გაიქცა. ბაბუხადიას პოსტს უცვლელად გთავაზობთ:

“❗️დამეჯახა ვიღაც მთვრალი აწყვეტილი სიჩქარით,არც გააჩერა გაიქცა, ამოვიღე კადრები დაჯახების, გადავეცი გამომძიებელს, რომელიც სიცივის გამო მანქანიდანაც კი არ გამოვიდა.. ვერ ამოვიცანით მანქანა და ნომრებიო და ნომერს თუ დაინახავ ვიდეოშიო მაშინ მივზედავ საქმესო ხალხო აზრზე ხართ? მე მოვუძებნე ეს კადრები არც კი მოვიდა და ჩემი სადარბაზოს კადრები არ ამოიღო.. ანუ ხო ხვდებით მკვლელობა მოხდა ვთქვათ, მტკიცებულება გაქვს, იცი ზუსტი დრო და გამომძიებელი გეუბნება მითხარი ვინაა მკვლელო და დავიჭერო….

❗️ მერე ცოტა მე დავფაცურდი მეზობლის გარე კამერები ვნახე და ამოვაღებინე, ასევე ვუთხარი იმ ქიჩაზე რაც კამერები იყო, ადვილად გაყვებოდა კვალზე, მაგრამ შენც არ მომიკვდე არც კი ამოიღო არცერთ მეზობელთან არ მივიდა.. მანქანიდანაც კი არ გადმოდიოდა.. ❗️როგორ ქვეყნაში ვცხოვრობთ ხალხო დაჯერებაც კი მიჭირს, უსამართლობა ყველას კარზე აკაკუნებს მაგრამ ხმას არ ვიღებთ.. ზუსტი დრო ვიცი, კადრები მაქვს და ვერ იძიებენ, ხო ხვდებით რამხელა საფრთხეში ვართ?❗️😶😶😶 ❗️არ და ვერ გავატარებ ამას, რადგან ბევრმა ადამიანმა უსამართლობის ბოლქვი ყელში გადაყლაპა(შიშის გამო, სამსახურიდან გაგდების,ხათრის,რიდის,მე ხომ ვერ შევცვლი ისედაც ვერაფერს) გამო.. და ასე აღმოვჩნდით სრულ განუკითხაობაში… ❗️ვის ვანდოთ ჩვენი უსაფრთხოება? ვინ უნდა გამოიძიოს საქმეები? რამე სხვა უწყება არსებობს რომელიც მსგავს უმარტივეს ამბავს გამოიძიებს? საქართველოს შინაგან საქმეთა სამინისტრო ” ,- წერს ჟურნალისტი.

წყარო :